2017 жылдың сәуір айының 06 – 09 жұлдызында
2000 – 2001 жылдары туған жасөспірімдер арасында облыстық «Жастар» спартакиадасында волейболдан жарыс өтті. Ұйымдастырылған жарыс Мамлют ауданында болды. Осы жарысқа ауданымыздың атынан Алқатерек орта мектебінен спортшылары Ақжар ауданының намысын қорғады. Спорттық жарыстардан үздік орын алып жүретін, жан - жақты шебер спортшыларымыздан құралған волейболшылар командасы абыроймен екінші орынға иеленді. Мамлют, Есіл, Айыртау аудандарының командаларына дес бермей, алға ұмтылып шығып, финалға өтті. Сөйтіп Тимирязев ауданының командасынан 2:1 есебімен жеңіліс тауып екінші орынға табан тіреп, биіктен көріне білді. Команда ойыншылар: Сапарбек Мирас, Қайролла Ақан, Әмен Ерқанат, Әнуарбек Әзім, Мұқат Мадияр, Майрамбай Дияр, Қабиден Абылайхан, Қалиасқар Әділет шебер ойын үлгісін көрсетіп, ортақ жеңіске үлкен үлес қосты.
К.А. Малгаждаров.
Алқатерек орта мектебінің
дене шынықтыру пәнінің мұғалімі
Жаңалықты мекеменің сайтында қарау
